Tafuta/Search This Blog

Wednesday, February 15, 2017

I have found a new friend...





This young one was left to live in our compound by her mother some few days after she was born. We decided to take care of her and it is some few months down the line and she is becoming a part of our family. She is very charming and playful, she recognizes the sound of our car and run very fast to say welcome home every evening.

My boys have decided to call her Tomtom. She is a good firend

Friday, February 10, 2017

Nice rain shots




Nimekutana na mama Elizabeth Bhoke!

 Katika maisha kuna wakati huwa unaweza ukapata changamoto sana na ikakufanya ujiulize na ujichunguze Imani yako kwa Mungu. Kuna watu wanampenda Mungu sana na maisha yao wamejitoa kwa Mungu kwa asilimia zote. Sasa hii changamoto ndio niliyokutana nayo.

Nimekutana na huyu mama anaitwa Elizabeth Bhoke. Mama huyu ana umri wa miaka 79 na hana mume wala mtoto lakini yeye ni mwinjilisti ambaye huzunguka akikusanya Pesa ili ajenge makanisa katika wilaya ya Serengeti. Mama huyu wa kanisa la Sabato, tayari amejenga makanisa matano huko Serengeti na anaendelea kukusanya pesa ili kujenga mengine.

Huu ni moyo wa ajabu sana sana na kwa kweli umenipa changamoto sana ya kumpenda Mungu zaidi na kujali kile ambacho Mungu amekiweka ndani yangu na kukifanya kwa bidii sana kama huyu mama.

Kama mama huyu atakufikia tafadhali nyosha mkono wako na umbariki. Yeye pia hutoa maneno ya kubariki sana na pia ni mchangamfu mwenye maneno mengi ya kutia moyo....



Im so challenged!. God Bless you mama!

Thursday, February 9, 2017

PAULO MAKONDA NAOMBA UJIFUNZE KWA SIR NICHOLAS WINTON


Nicholas Winton
Ilikuwa mwaka 1938 wakati kijana mdogo wa miaka 29 aliejulikana kama Nicholas Winton ambae aliekuwa ni dalali wa hisa (stockbroker) jijini London aliamua kuacha shughuli zake na kwenda nchini Czechoslovakia. Lengo la safari yake ilikuwa ni kuwaokoa watoto wa Kiyahudi 669 waliokuwa katika kambi ya wakimbizi.

Nicholas alitengeneza mpango wa kuwavusha kutoka Czechsolovakia na kuwapeleka watoto hao England; alipofika England alifanya kazi ya kutafuta familia za Waingereza na kuzishawishi ziwachukue watoto hao kwa lengo la kuwalea.

Katika mpango huo kabambe, Nicholaus alichukua magari 8 na kwa umakini na usiri mkubwa alifanikisha zoezi hilo la kuwaokoa watoto hao. Nicholaus alifanya siri ambayo hata mkewe hakuweza kujua. Miaka 50 baadae, mkewe wakati anapekua pekua vitu, aliweza kuona kitabu kikiwa kimefichwa kwenye dari. Kitabu hicho cha similizi kinachojulikana kama (scrapbook) kilikuwa na majina na picha za watoto wote waliokolewa na Nicholas kwa takribani miongo 5 iliyopita. Mkewe, Greta aliamua kuichukua simulizi hiyo na kumpelekea Elisabeth Maxwell ambae alikuwa mtafiti wa mauji ya kimbari ya Wayahudi (Holocaust) na barua za hao watu waliokuwa watoto nyakati hizo. Kulikuwa na mwitikio kutoka kwa watu zaidi ya 200 kati ya wale 669 katika ile orodha ya watoto kwa miongo 5 iliyopita kwa wakati huo.

Dunia iliyobakia nikiwemo mimi nawe msomaji wangu ilikuja kuifahamu simulizi hii kupitia filamu-simulizi (documentary) iliyotengenezwa na kituo cha habari cha BBC yenye jina That’s life (yaani haya ndiyo maisha). Nicholaus alialikwa kama mmoja wa wahudhuriaji wa katika onesho hilo. Kile kitabu chake cha kumbukumbu kikafunuliwa na maelezo kutolewa, na aliekuwa mwenyeji wa hafla hiyo akauliza umma uliokuwa umehudhuria ambao walikuwa wameokolewa kutoka na uamuzi wa Nicholas kuokoa maisha yao. Zaidi ya watu 20 walisimama wakiwa wamemzunguka Nicholas na kupigia makofi ya kumpongeza na kumshangilia Nicholas.

Waweza kuiona video hiii kupitia tovuti ya www.youtube.com/watch?v=6_nFuJAF5F0 na kumwona mtu mkuu alieamua kugusa maisha ya watu na vizazi vingine baadae maishani. Kwa uchache kati ya watu aliowaokoa ambao ni maarufu katika jamii ni pamoja na Alf Dubs, Baron Dubs (iliezaliwa mwaka 1932) na alikuwa Mbunge wa bunge la Ungereza kwa kupitia chama cha Labour. Heini Halberstam (aliezaliwa mwaka 1926) na alikuwa bingwa wa hisabati. Renata Laxova (aliezaliwa 1931), alikuwa daktari bingwa wa masuala ya vinasaba vya watoto (peadiatric geneticist). Wengine ni Joe Schlesinger (aliezaliwa 1928) alikuwa mtangazaji wa vipindi vya televisheni huko Canada na muandishi wa vitabu. Na wa mwisho kumtaja katika makala hii katika orodha ndefu ni Yitzchok Tuvia Weiss (aliezaliwa 1926), alikuwa Rabi Mkuu Jerusalem. Rabi ni mwalimu wa dini ya kiyahudi.

Mpaka mwaka 2015 shirika la habari Uingereza BBC liliweza kuwasiliana na zaidi ya watu 200 kati ya waliokuwa watoto 669 walioweza kuoka na zahma la mauji ya kimbari.

Kutokana na maamuzi aliyoyafanya Nicholas, amefanikuwa kukusanya tuzo za heshima chungu nzima ikiwemo kupewa cheo cha heshima na ushujaa kutoka kwa malkia Elizabeth II wa na kuwa SIR NICHOLAS WENTON. Jamhuri ya Czech ilimpa Sir Nicholas Wenton tuzo ya heshima ya Simba Shujaa; Kwa upende wake Rais wa awamu ya 7 nchi Israel Ezer Weizman aliwahi kumpa tuzo ya heshima kwa niaba ya Taifa lake. 

Nimeguswa sana na watu wengie pia wameguswa na maamuzi ya Nicholas aliemua kuhatarisha maisha yake na kutumia gharama zake kwenda katika kambi kwa lengo la kuokoa watoto ili mkono wa mauaji ya kimbari wa Adolf Hitler usiwafikie. Miaka 50 baadae simulizi hiyo iliwekwa wazi na watu wengi kujua juhudi na “innitiatives” za Sir Wenton alizofanya akiwa kijana mdogo.

Napiga picha ya initiative ya Mkuu wa Mkoa wa Dar es Salaam Ndugu Paulo Makonda ya kunzisha vita dhidi ya uuzwaji wa dawa za kulevya jijini Dar es Salaam. Kimsingi watu wengi wamepokea taarifa hii kwa mshangao kuna kwamba “atafika wapi!”

Aidha kuna wengine wanamkejeli kama mtu anaejaribu kufunika aibu ya wanafunzi wa kidato cha nne kufeli hususan mkoani Dar es Salaam. Wengina wakidhani anatafuta umaarufu. Kila mmoja kwa hisia zake.

Binafsi nampongeza Paulo Makonda kwa nafasi yake na uzalendo wake kwa nchi uamuzi wa kuchukua hatua ya kufanya uchunguzi kwa kushirikiana na vyombo vilivyo chini ya ofisi yake na kutoa amri ya watuhumiwa wanaohusika kukamatwa ili wahojiwe na wengine kusimamishwa kazi ili uchunguzi uendelee pasipo wao kuathiri uchunguzi kama watakuwa kazini.

Nia ya Mkuu wa Mkoa wa Dar es Salaam ni njema. Amenuia kupiga vita vizuri dhidi ya biashara ambayo inaua hatima ya vijana wa Kitanzania. Tukumbuke matokeo ya vijana kutumia “unga” ni kuwaharibia kesho yao na mchango wao ambao wangeweza kuutoa katika ujenzi wa taifa hili.

Ilitakiwa Watanzania kwa nafasi zozote tulizonazo tusimame na Paulo Makonda kwa kuwa anachokipinga ni kitu kibaya. Michelle Obama wakati mmoja aliwahi kusema kuwa “kumpiga vita mmoja wetu ni kutupiga vita sote” Kwa mantiki hiyo kumpiga Paulo Makonda nia yake njema ni kupinga sheria za nchi zenye lengo la kuzuia matumizi, uuzwaji na usambazaji wa madawa ya kulevya.

Ni ukweli ulio wazi kuwa, mtu yeyote mwenye mguso maishani alijengewa mazingira mazuri ya kumsaidia kufika ndoto zake maishani. Mihidarati ni kitu ambacho kinaweza kuharibu tabia njema na mwenendo wa vijana na watoto kuifikia kesho yao. Hivyo basi tunawajibika kuipingwa kwa ngivu zote.

Yawezekana si kila mtu ana nafasi ya kuwa kwenye vyombo vya dola ili kutumia misuli kuzuia utumiaji wa mihadarati au usambazaji; kutokuwa na nafasi kama ya Paulo Makonda au IGP Ernest Mangu, bado tuna jukumu la kupigana kwa kupitia kuwatia moyo wapiganaji walio-mstari wa mbele kwa njia ya kuwaombea kwa Mungu au hata kupaza sauti kupitia vyombo vya habari. Na tukiachukulia mfano wa wapenzi wa soka anafahamu nguvu ya kumshangilia mchezaji au wachezaji wanapofanya vizuri.

Nicholas alifanya maamuzi ya kuokoa watoto 669, miaka 50 baadae, watu wale walikuwa watu wenye mguso akiwemo muandishi wa habari, daktrari bingwa wa watoto, mwalimu mkuu wa dini na wengine wengi. Juhudi za Makonda zikifanikiwa Dar es Salaam na kila mmoja akacheza nafasi yake kutimiza wajibu wake kukaba ili wasambazaji wasiendelee kuuzaa katikati yetu, ni watu wangapi tutawaokoa?
Kama Mtanzania mzalendo, sioni kama mihadarati ina nafasi ya kuongeza thamani katika maisha ya watoto na vijana kama wahanga wakubwa wa mihadarati.

Rai yangu ni kuwa sisi kama wanajamii tunawajibika kwa pamoja kuijenga nchi hii. Jirani akiharibikiwa au mtoto wa jirani akiharibikiwa madhara yake yana uwezekano kwa upande mmoja au mwingine kugusa maisha yangu au watoto wangu. Njia rahisi ni kuamua kupigana kuzuia madhara yasisambae kuliko kuachilia yasambae.

Rais John Magufuli kampongeza IGP Mangu kwa kuchukua hatua ya haraka za kinidhamu kwa watuhumiwa ndani ya Jeshi la Polisi ili kupisha uchunguzi ufanyike.

Tukipanda mbegu njema kwa kugusa maisha ya wengine, ipo siku tutavuna taji ya heshima kwa mrejesho wa watoto wetu na vijana wetu kuwa na mguso chanya kwenye jamii. Ili jamii yetu iwe na uzalishiaji wenye tija (effective production) mihadarati lazima ipigwe vita ndani ya mipaka yetu. Paulo Makonda kaonesha mfano, kwa pamoja tumuunge mkono.

Fredrick Matuja
fmatuja@hotmail.com

Note: Tunamshukuru sana Fred Matuja ambaye amekuwa akitutumia makala ili tushirikiane na wadau mnaopitia kwenye blog yetu.

Tuesday, January 10, 2017

When Rock City means rocky mountains....




Beautiful view of Rocky mountains of Mwanza. Have you ever wondered how these rocks were put in place?? May be God threw them down from heaven or may be he just created them down here. I was just thinking...

Saturday, January 7, 2017

From Mwanza...Happy New Year 2017!!




From the beautiful rocky mountains of Mwanza we wish you a prosperous year 2017! May God Bless you all!

SBP

Friday, December 30, 2016

UZALENDO NI KUTEKELEZA WAJIBU WETU KWA MAMA TANZANIA - SEHEMU II

Mtafiti wa tabia za wanadamu Viktor Frankil anatujengea uwezo kujifahamu kuwa tunaweza kuyakabili mazingira kwa kutimiza wajibu wetu. Dhana ya wajibu inatokana na neno la kingereza “responsibility” ni sawa na “response – ability”. Tafsiri yake ni mwitikio wa ndani ya mtu kuonesha uwezo wake kwa kuchukua hatua ya kubadili mazingira yake ili kupata matokeo tarajali kwa ajili yake na jamii inayomzunguka. Tuendelee na sehemu ya pili...
Ukitamka wajibu na kutimiza majukumu jeshini, wanajeshi wanakuelewa vyema. Mifumo ya taasisi za kijeshi huwa imefanikiwa “kuwatengeneza” watu wanaotafuta suluhisho hata nyakati ngumu na zenye changamoto katika nchi zao. Mtazamo wa kifikra kwa kila mwanajeshi huwa ni kushinda bila kujali ukubwa wa jeshi la adui au changamoto ili mbele yake. Tukitoa mfano kwa hapa nchini, unaweza kukumbuka nyakati za majanga kama vile mafuriko na uharibifu wa madaraja, kazi hizi hupewa wanajeshi na mara wakiingia kazini, suluhisho la muda mfupi hupatikana ili magari yaendelee huku suluhisho la kurejesha daraja kama limekatika ikifanyika.
“Hakunaga” kulaumu au kulalamika jeshini dhidi ya hali ngumu au mazingira magumu. Bali kutimiza wajibu kwa kupingana dhidi ya hali isiyoridhisha kwa kuiondoa na kufanya mazingira wezeshi yanayoifanya mipaka ya nchi iwe salama au mahala wanapolinda amani panakuwa salama kuishi na kufanya shughuli za uzalishaji ili kukuza uchumi wa mtu mmoja moja anaetimiza wajibu wake na nchi nzima kwa ujumla.
Watanzania, hatuna budi kuishi kama wapiganaji ili lengo ya kuyadhibiti mazingira na kusimika aina ya maisha tunayoyataka kwa ajili yetu na vizazi vijavyo. Tafiti kutoka kwa wataalamu wa tabia za wanadamu zinaonesha kuwa, lawama na manung’uniko huondoa uwezo wa kuona fursa ya kutatua matatizo. Mtu akifanikiwa kutatua matatizo yanayomzunguka, hufanyika kuwa ni shujaa kwa familia, jamii yake hali kadhalika taifa lake. Na jinsi tatizo linavyozidi kuwa kubwa, ndivyo, thamani ya mtu anaetatua tatizo itakuwa mara suluhisho likipatikana na hali yake kimaisha au jamii ikibadilika kutokana na jitihada zake.
Ukisoma habari ya Daudi na Goliathi ambayo huzungumzwa na kuandikwa mara kwa mara kwa falsafa mbalimbali kutegemeana na mkutadha inazungumzwa. Mathalani, ikitokea hata timu ndogo ya mpira (underdog) inakabiliana na timu kubwa (giant) zinapambana, uchambuzi mwingi hufananisha kama vita ya Daudi na Goliathi.
Daudi amekua shujaa mpaka leo si tu kwa taifa lake Israel baada ya kumpiga Mfilisti Goliathi, aliekuwa shujaa wenye uzoefu wa vita. Daudi amekuwa mfano wa kuiga (role model) kwa watu mbalimbali kupitia mifumo mbalimbali ya mafunzo kufuatia hatua yake ya kuchukua hatua (taking initiative) ya kuamua kupigana na adui yake na taifa lake na kufanikiwa kuondoa fedheha kwa taifa lake . Daudi alileta suluhisho kwa jamii yake na mpaka leo kajijengea historia na kuacha alama (legacy)
Kuna nyakati inasikitisha kusikia habari au kusoma kutoka vyanzo mbalimbali vya habari hapa nchini na kukutana na habari za matatizo na huoni muandishi akija na njia mbadala au mkakati wa kutatua tatizo au hali ngumu jamii inapitia. Kitakwimu, asilimia kubwa ya vyumba vya habari vimepoteza uweledi. Tulitegemea waandishi wa habari kuja na taarifa za kuleta fikra mbadala kwa kuonesha namna kutatua matatizo yanayoizunguka jamaii mbalimbali hapa nchini, kuna baadhi vinajikita kuonesha matatizo na madhaifu ya huku na kule na kuwajaza Watanzania hofu. Kumbuka habari mbaya kama haina taarifa za mbadala za suluhisho, huleta hofu badala ya matumaini kwa wasomaji.
Kuna taarifa wiki jana ziliandikwa kupitia magazeti kadhaa kuonesha kuwa viwanda kadhaa vya maziwa na samaki vimefungwa kanda ya ziwa. Kuna maswali mengi ya kujiuliza, je, Watanzania wameacha kunywa maziwa? Soko la samaki wa Tanzania limeanguka huko ughaibuni? Kwanini kuna maziwa kutoka Kenya, Uganda, Afrika Kusini na Uholanzi yanauzika sokoni? Nini kimesababisha viwanda kufungwa? Nini kikifanyika viwanda hivyo vyaweza kurejea na kuendelea na kazi. Sijaona wanahabari wakifanya “homework” ili kuipa jamii majibu ya fursa ya kuzalisha chakula na kusindika ili kuendelea kuuza ndani na nje ya nchi kutokana na ongezeko la watu duniani.
A.R. Bernard anasema kwa kila kisababishi kuna athari yake (to every cause there is effect), kama hupendi athari au matokeo, una wajibu wa kubadili kisababishi (if you do not like the effect, change the cause)
Rais Magufuli alitoa ahadi kutoa fedha kwa wanahabari siku ya tarehe 4.Novemba kama wataanzisha kampuni. Je, kuna wanahabari wamepeleka andiko lenye kuonesha tatizo na kuja na njia-mdadala ya kuondoa tatizo hilo katika jamii? Au kuna kampuni limekuja na mpango-mkakati mbadala kuongeza uzalishaji katika sekta ya mahindi ili kuwa na uhakika wa chakula cha kutosha ili kudibiti ongezeko la bei ya unga wa sembe na dona?
Na kama andiko limekataliwa, ni mara ngapi hatua zimefanyika ili kupigia debe wazo mbadala.
Nanukuu falsafa ya sheria ya pili kani mwendo kutoka kwa Newton. “The rate of change of momentum, is directly proportional to the force applied”. Kiwango cha kubadilika kwa kani-mwendo ni uwiano sawa na nguvu iliyotumika. Tunatumia nguvu kubwa kiasi gani kuandika kutatua matatizo ya nchi hii ukiwa ni wajibu wetu sisi wazalendo wa nchi hii?
Itaendelea...
Fredrick Matuja

UZALENDO NI KUTEKELEZA WAJIBU WETU KWA MAMA TANZANIA - SEHEMU I

Kwa mara nyingine tunaendelea na mfululizo wa makala za kudadavua dhana ya uzalendo na wajibu wetu kwa nchi na yetu Tanzania, ambae kupitia maziwa tuliyonyonya na misingi aliyotujengea, leo hii tunaweza kujumuika na wanadunia wengine kupitia teknolojia ya habari na mawasiliano.
Leo, hii tuangalie dhana ya wajibu wetu kwa nchi yetu ni nini hususan, katika wakati huu wa mpito wa mageuzi ya kiuchumi na kiutawala mara baada ya kuingia madarakani mzawa wa chato na mbobezi wa kemia na hisabai Rais John Magufuli.
Viktor Frankl ni mtafiti wa wa tabia za wanadam kutafuta furaha (pursuit of happiness) na kupitia majarida kadha wa kadha ame-eleza kwa ufasaha ramani au michoro katika akili ya mwanadamu. Mtafiti huyu ameweka wazi namna akili inaweza kuendelezwa na kumfanya mtu kuwa na kitabia ya aina flani. Na tabia hiyo huwa ni mfumo wa maisha ya watu na hali kadhalika katika jamii husika.
Mathalani, jamii za Korea, Japan hata Malaysia mtu akishindwa kutimiza azma yake ya kutoa mchango kwa maendeleo ya jamii, huishia kujua. Wengi hujiua kwa kushindwa kukubaliana na uhalisia wa nje kama vile kufilisika, kuachishwa kazi ghafla hasa kama ulikuwa ni wadhifa mkubwa serikalini au kampuni za sekta binafsi. Tabia hii ilikuwa dhahiri sana nyakati za anguko la kiuchumi duniani ambalo pia liliathiri uchumi wa nchi hizo na makampuni yao kibiashara.
Kwa upande mwingine, mtafiti Frankil alikusudia kutufunulia na kutujuza matokeo ya kitabia ili kupata tija ya hali ya juu (highly effective) kutoka kwa mtu katika mazingira yoyote yale. Tija katika muktadha huu ni uwezo wa kuona na jicho la kutafuta jibu au suluhisho katika mazingira magumu au wakati tete katika jamii.
Kwa maana nyingine, “jicho la tatu” laweza kuitwa “proactivity”. Proactive kwa tafsiri rahisi ni hali ya kuwa na fikra ya kuanzisha jambo lenye kutatua tatizo linaloinzunguka jamii au nchi ya mhusika.
Dhana inayojengwa na inayotazamwa ni hali ya kumtaka mwanadamu kunawajibika na maisha yake kwa kuyakabili mazingira au changamoto za mazingira yanayomzunguka. Tukumbuke, tabia ya kila mwanadamu ni mwitikio wa maamuazi (behavior is a function of decision of an individual). Ni namga gani mtu anayakabili mazingira au hali inayomzunguka.
Tanzania inapitia katika changamoto ya kimtazamo na kifikra tokea Rais John Magufuli achukue hatamu ya kutuongoza. Rais Magufuli amekuja na mfumo wake wa kudhibiti matumizi ya serikali na kuziba mianya ya “kupiga dili” ndani ya serikali na katika sekta binafsi; ambayo ilikuwepo kupitia mambo kadha wa kadha kama wafanyakazi hewa, wanafunzi hewa ambao walipelekea malipo hewa kupigwa na wezi wachache.
Kufuatia kusudio lake la kusimika mfumo mpya, kuna namna baadhi ya shughuli za kibiashara zimeathirika kutegemea na misingi ya wenye biashara walivyokuwa wamejenga mifumo yao ya kuziendesha.
Tukichukua wajibu wetu ili kujipanga upya namna ya kuendana na mfumo mpya wa awamu ya tano, tunawajibika kuamua namna ya kufanya biashara kwa kuzingatia misingi halali ya kulipa kodi na kufuata sheria na msingi ya kufanya kibiashara ili kukidhi uhitaji wa soko au walaji.
Pengine, tupate maana ya neno wajibu. Wajibu lilitokana na neno la kingereza responsibility -- "response-ability" – nguvu ya mwitikio au uwezo na maamuzi ya kuchagua kutenda ikisukumwa na nguvu iliyo ndani ya mtu. Huo ndiyo wajibu au kuwajibika.
Hivyo basi, wajibu ni mwitikio na uwezo na kufanya maamuzi kuyatawala au kuyadhibiti mazingira, au kulia na kulalama dhidi ya hali iliyopo. Kama tunakumbuka, Rais Obama wakati ameingia madarakani mwaka 2009, Marekani na dunia ilikuwa na anguko kubwa la kiuchumi (global economic crisis). Obama na wenzie hawakulia na kumlaumu Bush na kukumbuka miaka nane ya Bill Clinton uchumi ulikuwa mzuri, walitimiza wajibu wao wa kujipanga na kujenga mfumo mpya na leo hii uchumi wa Marekani umeimarika tofauti na miaka 8 iliyopita.
Itaendelea…
Fredrick Matuja
fmatuja@hotmail.com